生活記 #4

『蒹葭蒼蒼，白露為霜；所謂伊人，在水一方。』- 詩經

＊Picture source from Dustykid - Internet

人與人之間的緣份真的很奇妙，所有的相遇、相識、相知到分離看似隨機又彷彿早已有了定數。

在每個生命中的人來人往，長大了，輾轉間身邊如今又剩下幾人？能夠彼此交心的人就愈來愈少，亦愈來愈難；因為，大家同樣都怕付出後得不到回應，受到傷害；原來小時候的那種純真簡單已經走得遠遠，一去不返。至於離開了的，也許是錯了時間，錯了地點；又或者是，根本兩者都不對。如果說相遇是偶然、離開是注定，那重遇又可以是甚麼呢？

一個月內，三個差不多有十年甚或更長時間失去聯繫的人；熟悉的樣子、聲線依舊，只是大家都成長了；這亦證明，只要你願意向前踏出一步、只要彼此之間還有“緣份”，命運有時候仍然會為你帶來驚喜的。只是從未想過，多年來一直牽掛在心的、只有在夢境才會出現的畫面，卻在德國這個異鄉實現了。

我並沒有宗教信仰，但卻深信生命中發生的每件事、遇到的每個人都是有含意且總必定令我學會些甚麼；亦正正是因為每一個故事都未必能有好的結局，所以..... 請珍惜現在所擁有的。

July 2016

November 2016

三個月後的今天，再次回到HohenSulzen，感覺是似曾相識卻又很陌生；記得拍下這張相的早上是3°C，整個上午我就跟來自奧地利的同伴在外清洗拖拉車。陰天、下雨加刮著風，手指都凍僵了，寒氣像是從腳底湧入身體。

凍多了、凍慣了，那就好像不會覺得是一回事；就如其他事一樣，只是習慣了；可是，這樣卻是危險的。習慣了寄人籬下、習慣了活在Comfort Zone、習慣了一切被牽著鼻子走；可能，有些人會喜歡一切都被安排好，但容許我再說一次：我很討厭這種感覺！所以 .....！

Before

Present

隨著收割期過去，酒莊內的一切看似回歸平靜，言而Fermentation的氣味跟聲音卻充斥著酒𥥖內每一寸空間；在幾乎是密閉的儲存室內，連呼吸新鮮空氣也有點困難；回來後的工作總是離不開清潔與收拾；這也好，重覆的工序令我有多點思考空間、整理思緒及計劃下一步。

話別總是離不開傷感，衷心感謝每一位曾經對我微笑的每一個你；
這段時間共處的一切都會成為我的珍寶，永遠銘記心中。

每次當我回看上面的照片，心裡頭都會感到一些苦澀；閉上眼睛，彷彿還能看到他們的酒窖，嗅到葡葡酒發酵的氣味；三個月的共處，當建立了點點默契，開始彼此多點了解的時候，又是時候要離開，到埗的一刻彷彿仍是昨天。可以的話，我希望終有一天可以再回去，回去看看那個曾經熟悉的地方。

~ That is me ~

黎左德國差不多有五個月，生活上總算適應得唔錯，起碼唔會再好似之前咁“盲懵懵”。至於德文呢？都係持續進步中；雖然都仲係自學，但因為課金買左個相對專業既App，所以學起黎就比較有系統D；識多左Vocabulary，開始對方向、數字同食物有概念，不過Grammer就同英文好大分別；值得自我鼓勵既係，起碼已經唔再淨係識講Greeting同再見；記得有一次去餐廳點菜，服務員見我個樣係外地人就用英文問我，點知我就膽粗試下用德文Order；見到佢嗰刻都打左個突，其實我當時都真係幾開心，因為佢聽得明白我講乜~~

Sunset in Bischoffingen - 1/11/2016

講到食物，咁其實喺度到底係食D乜？可能係先入為主啦，以為餐餐都係食腸、食腸同食腸，又或者會係豬手？黎到之後就發現，德國腸的確係有好多種，有長有短、有粗有幼、有唔同既肉腸、加工腸同風乾腸，可以話係中一個肉類食物嘅來源但唔算係主食；至於豬手，喺我認識嘅德國人入面，由二十幾到五十幾歲都好，問佢地呢佢地會話聽過，但係好多都係話只係食過一次甚或完全未食過（其實黎左咁耐我都未食過）。

一場黎到，當然要入鄉隨俗，啤酒就少不了。
呢度大概係一星期多少少嘅Consumption；其實我呢D算係小兒科，我喺超市見人家係一箱一箱、兩打兩打咁放入車尾箱抬翻屋企......

〜 平時食開嘅腸仔小吃 〜

除左飲啤酒之外，我接觸到而又最能夠代表德國嘅食物就應該係 - 麵包！當你以為呢度嘅啤酒種類已經算多咩，係就係多，不過麵包仲多！就算係德國腸好多時都要伴住麵包一齊食，問你怕未？！曾經睇一個Blogger寫過，佢話去左德國一年，為左慳錢三餐好多時都係食麵包，但係到佢返香港之前都好似係仲未可以試齊晒所有款式；起初我覺得可能係有D誇張，不過宜家就唔到你唔信.....

一個麵包一條長長德國腸開二，即叫即做（煎腸同焗包）；自己加D芥辣同茄汁，咁就收你3歐；有Event嘅地方就一定有一兩個檔口喺你左近，一樣排長龍；雖然簡單，但係新鮮滾熱辣拎喺手，又真係幾美味嘅〜〜

麵包、麵包，全部都係麵包！！
喺大街小巷、街邊鋪仔、超市到餐廳，都唔難見到賣麵包嘅地方。各式各樣嘅包，無論係大包細包，夾腸、夾肉、夾魚、夾菜，總之你諗到同諗唔到嘅都可能會有。

可能你會認為，西方人飲食習慣多數都應該係大杯酒同大塊肉。但係如果唔係黎短暫旅行而係留長少少時間的話，可能你就會對此改觀。唔講可能唔知，素食主義者喺德國嘅數目其實絕對唔少；之前就有Survey做過統計，現時喺德國已經大約有一百萬個素食者，佔全國人口1%，並以每年約七萬人的幅度增加中。

Lunch Meal & Food from restaurant

而事實上，唔知同住係Countryside有冇關呢？就我所見，我遇到嘅德國人佢地D飲食都係相對簡單：三餐裡面午餐可能已經係最豐富。不過我成日都見佢地淨係食三文治，又係麵包？! 所以每次佢地見到我自己準備嘅Lunch都笑我，話我一個人食三個人嘅野咁話喎 ...... 而且呢度人晚餐有時都只係食D芝士、乾果加杯酒就算，甚至唔駛食都有......

Homemade Food by Myself

咁我有時就喺度諗，點解佢地平時食咁少野，D人都仲可以生得咁大舊，街上面都仲會有咁多肥仔肥妹、肥佬肥婆呢？諗真D可能未必太關食野事，而係攝入得太多啤酒同Wine（其實Wine嘅卡路里都唔少），同埋經常以汽車代步所致。唔知算唔算誇張呢，可能行出門口就係車房太方便了，所以我見只不過係5到10分鐘嘅腳程，佢地都係會選擇揸車而唔係行路 ...... 

〜 喺香港嘅時候，其實我唔太好食甜野；但係德國嘅雪糕店或者係賣雪糕嘅地方數目只係僅次於Cafe同酒吧，無論天冷或天熱都係咁多人買，搞都我都鐘意食埋一份 〜 

雖然我鐘意飲葡萄酒而且喺度係從事葡萄酒産業，但係每逢天氣轉冷，Whisk(e)y & Brandy呢類烈酒就會係我嘅至愛。

不過講到Whisk(e)y嘅學問，其實係同葡萄酒一樣咁深奧，一大堆名詞好似Single Malt、Blended Malt、Scotch、Bourbon、Age、Cask Strength等等.... 所以我暫時並無打算詳細介紹。今次只不過想推介其中一款我的喜愛，大眾化而且高品質嘅蘇格蘭威士忌（Scotch）-  Glenfiddich 12 Year Old Single Malt 。

Glenfiddich，蘇格蘭蓋爾語是“Valley of the Deer”，自1886年創立至今。在這個年頭幾乎已經沒有家族獨立營運的蘇格蘭蒸餾廠中，目前由第五代人所擁有及經營。他們以印有鹿頭標誌跟獨特的三角形樽身，一個接一個的國際獎項，位居全球銷售量最大的Single Malt Scotch Whisky之一。

＊Picture source from Internet - http://www.glenfiddich.com/＊

Glenfiddich 12 Year Old Single Malt，混合使用American Oak and European Oak Sherry Casks，對我黎講其特徵一字記曰：Fruity。颜色是金黃、香氣是甜美青新的Pear & Green Apple；入口口感輕盈，滲出於木桶陳年的淡淡肉桂跟洋杉木感；最後餘韻是悠長的，帶有麥芽跟Slightly Caramel的氣息。

呢款Whisky整体感覺很易入囗且討好，基於不太Heavy，亦非常適合女士。至於Food Pairing方面，對上一次喺Amsterdam我就選擇左Apple Pie。唔好以為甜品就不可配，只要唔係非常甜的話，Apple Pie裡面既果、香料跟texture都可以十分合襯。

我知道好多人欣賞Whisky嘅方法都係鐘意淨飲，因為咁先夠純；但係40% Alcohol嘅烈酒對部份人黎講有可能會過“哽”，而且酒精感會機會掩蓋其本身香氣；要想兩全其美，本人的小Tips唔係加綠茶或者可樂，而係一份Whisky加一至一點五份的Distilled Water。原因係Distilled Water相對少雜質，可以達到中和一點酒精感之餘更能打開及帶出酒的香氣；有興趣的話不妨一試。

到最後，睇完我以上講嘅一大輪，不如又聽下一面片段入面嗰位大師點樣講佢地呢款酒作為結尾吖〜〜

Town Hall, Mainz, Germany. 19th Nov, 2016