跳到主要內容

生活記＃3

每一次當我收到朋友傳來的信息，話俾我知佢地有留意、睇過我既分享同鼓勵既時候，真係好開心。由衷的多謝曾抽空睇過小弟拙文既每一位！如果喜歡或認為合眼緣的話，不妨分享俾你/妳身邊既朋友，大家一齊［遊〜 ”酒“〜大世界］吖〜
 Danke Sehr〜 😊😊


人在異地，在德國渡過的每一天我都非常珍惜，希望能夠於人前表現出自己最好的一面；原因之一當然係搵到自己有興趣的工作，另外我心底裡其實有一個小小的想法。

暫時在德國停留居住及工作的地方，I have met people from Austria, Switzerland, Poland and of course Germany。  我－於人們眼中好多時都係第一個合作或接觸時間較長的香港（中國）人。雖然直到現在都未遇過任何歧視問題，但肯定的是每次在村莊裡出現的時候，大家都少不免對我投以奇異的目光，彷彿都呢在問：‘呢邊又唔係旅遊區，點解會有個咁既人係度？’而係在每一間公司裡面，更是第一個被受僱用的香港（中國）人。同事們都跟我講他們對香港呢個地方的認識只僅限於電視上：“喔，你係黎自一個很遠的地方，大城市；你係第一個跟我講超過五句說話的香港（中國）人。”

就係咁樣，不期然的開始有了一份自覺：我必須要比平常更謹言慎行；每日做野雖然唔可能係最快完成既一個，但係絕對唔希望成為最慢的一個，而且盡量甚至唔可以出錯；其一係我並唔想人家經常都要照顧同幫我善後，更加唔希望令人覺得我呢個黎自香港既人‘嘆’慣左，到實際工作時能力有問題，俾人家有個錯誤既觀感。雖然自問一Ｄ都唔叻，更因語言差異對Job Tasks吸收同理解都較其他同事慢，而喺某Ｄ領域如駕駛、操作機器或工作流程上一個20歲既年輕人都比我更為熟練。不過，我就係一個咁既人，睇人地點解可以比我做得更‘快靚正’，去學；希望終有一日可以唔駛落後於人。

《孟子》卷三《公孫丑上》 曰：「我知言，我善養吾浩然之氣。」
這趟旅程令我深深的體會到世界之大及自身的渺小
俾個問題大家：係我暫時停留過的每一個地方，都會遇到德國（外國）人問我同一個問題，而呢個問題至今我已經被問超過二十次以上了，而最近一次，係來自一個九歲左右的小女孩。知唔知係咩？Hints係同飲食文化有關，而係佢地眼中其實People from Mainland China or Hong Kong is no differences的。試下諗諗，答案會係文末〜　
＊Picture from Dustykid - Internet
－“無征不信。”－ 出自《禮記·中庸》－
我認為，人之所以會變得強大，係因為經過不同逆境磨練。而成長，一個不二之法門就是勇敢的走出Comfort Zone，於可行情況下挑戰自己能力的極限；所以每次遇到難關，我都會同自己講：不要怕，一定能撐過去！其中有一次，對我黎講都幾深刻。

八月二十八日，參加完Breisach的Wine Festival；時間係晚上九時，天色已暗，係無其他選擇之下我只有依靠單車回家。雖然這段13公里多的路程已算是熟悉，不同的是單車的燈失效，已經還喝了不少，且在路上找不到一支街燈；可以怎樣？只能依靠手機的電筒。能見度僅有不足十米；人之所以怕黑，係因為唔知道前面會有什麼；其實當時我怕，過程中想起了很多事；特別係有一段車行公路亦都係完全沒有照明，會唔會撞到一飛沖天去呢？縱然熟知路線，但始終都無可避免地走錯了好幾次；就係咁樣跌跌撞撞、戰戰競競既情況底下，平常45分鐘的路程結果多用了30分鐘。平安回家後，我知道一切都已成過去。下次？同樣既窘境唔會再有機會發生，只因準備十足。
好多人可能會先入為主，以為係德國就一定係白酒既世界，其實係南部較和暖既地區都有出産一定份量既紅酒，特別係宜家全球暖化。（ Btw，點解我一Ｄ都唔覺得呢度係䁔Ｄ既..... ）
Spätburgunder -  就即係我地平常認識既 Pinot Noir，
全德國有大概7%葡萄園面積種植，其中一個主要種植大區域喺係 Baden（即係我既所在地）
Pinot Noir，一般而言比其他品種更著重反映種植當地的風土細節，又即係Terrior；
愈來愈多種植者為左保留佢既原有風味因而盡量減少使用化學肥料或除草劑，甚至轉用Biodynamic Viticulture。當然，呢款提子對生長環境有一定要求，亦都好需要Grow with Care：例如係果實産量方面需有限制才能做出有質素的葡萄酒；相比起Cabernet Sauvignon，Syrah，Merlot或Grenache更唔能受得冷同抵得熱、風吹霜凍之餘，提子本身表皮較薄亦都更容易受到Rots 或 Fungal Diseases感染等等。

對於 Pinot Noir 既嚴苛，曾經就有一位美國傳奇既Winemaker － Mr.  André Tchelistcheff 講過：“God made Cabernet Sauvignon whereas the devil made Pinot noir.”
其實一直都有日問：點解唔寫下現時工作酒莊（Weingut.Karl.H.Johner）既酒呢？一般黎講，我會好努力咁大口大口飲老闆既作品，但就會盡量避免係公開場合去評價；有乜理由？事實係當你講得好既時候，人家可能會認為係“做馬”；而當有負評既時候，老闆假使再心胸廣闊都有機會有Hard Feeling；中庸咩？咁咪即係交‘行’貨，人家又可能會認為你係敷衍了事。不過，單一作品唔講，喺試過大部分紅酒以後其實可以歸納出一些結論：首先喺路線上，唔係單單好似其他大眾德國紅酒只走Fruit Driven，而係會強調凝縮感（呢點可以確定係因為其反映喺我每天的工作上）；其次可能係因為他們於New Zeland都有酒莊，所以即使本土作品亦帶有“新世界”的影子（Oaky）。

有興趣的話可能參考以下網站址連結：
http://weingut.johner.de/en/
左起第一支－Blauer Spätburgunder SJ 視乎年份一支可以賣到+45歐，暫時係試過當中最接近Burgundy的風格。Long Fermentation with Skin，New Barrel Ageing；2011,2012跟2013當中，2012最為平衡及處於高峰。
好抱歉下次再上傳Blog文，可能需要隔一段時間了；因為接著呢個週末將會到瑞士/法國旅行，而再一週如無意外則會開始收割。不過，各位朋友，Pinot Noir可能就飲得多，但係用Pinot Noir釀造既Rose Spatlese你又飲過未呢？相信喺香港都應該未必可以輕易買得到；下一次就會講下我既感受同Tasting Note，敬請期待〜

最後答案－俾人問得我最多既係：“Derek，你地係咪經常都會食狗肉ga？”而小朋友就拖住佢隻狗仔寵物同我講：“你唔好食我隻狗仔啦，佢係我個好朋友嚟ga....”而每次我都要詳細解釋，其實喺香港食狗肉係犯法嘅，而且香港人都好愛護動物ga....."

＊註＊以上內容並無意涉及政治或種族問題。

攝於－戰神廣場, 科爾馬, 阿爾薩斯, 法國－2016.09.03

留言

張貼留言

這個網誌中的熱門文章

「弱水三千，只取一瓢飲」

人人都話2002年意大利好差好差，難買又易中地雷，Robert Parker就評佢76分；持續大風、落雨、陰天，以為山頂會好D咩，又要落雹、有風暴。係咪真係咁差？我又覺得唔算，可能係因為仲未飲過覺得難飲既2002年意大利紅酒吧。係我眼中，弱年又未必一定係差曬既。起碼價錢大多都比較便宜，而且又可以提早飲用。酒逢知已千杯少，很高興有人能好好欣賞。 如果講流行程度，意大利酒係香港黎講應該係比西班牙酒更高。有人話，宜家既西班牙就好似復興時期，像二、三十年前既意大利一樣。產酒區制度複雜又多、對本地提子品種陌生係一個較大既障礙，而且廠家品牌太多較難管理致使品質參差不齊等，種種因素都令消費者卻步。位處於北部Piemonte 的Barolo, Barbaresco; 中部Tuscany的Chianti, Brunello di Montacino同Amarone等較為人熟知外，其他如Soave, Valpolicella, Procecco, Bolgheri等產地可能已較為次之。 19世紀以來，Barolo被稱為“酒皇“既說法係意大利開始流行並走向世界，但在此以前Barolo是有被釀做成甜酒的。Nebbiolo，一種皮薄果味濃而又能提供強力單寧既提子。傳統既Barolo絕大部分都係在提子完全成熟前提早收割，採取不干預且長時間的自然浸漬，並於巨型斯洛維尼亚木桶長時間發酵熟成，規定上市前要最少兩年木桶以及一年於瓶中陳年，而Riserva則是三年木桶以及二年瓶陳。一般常要十年以上單寧先可以開始醇化而適飲既舊式Barolo被世人認為等待得太長久，以及為左迎合酒評家口味，現代化既Barolo釀酒方式開始流行；縮短浸皮及發酵時間以減少單寧、於較細小的新法國木桶" B arriques  " 及 在上市前延長待在瓶中的時間， 使 氧化 加 速、提早飲用及使更濃厚的木桶氣味滲透酒中。從此以後Barolo給世人的印象就開始改變，亦有稱新木桶的氣味會將本身的玫瑰氣味埋沒。是好是壞，就只決定於個人喜好。 講番支酒，Montaribaldi Barolo “BORZONI” 2002 。有別於一般強力厚重而果味濃鬱，這個以造Barbaresco起家的莊園就造出了一支柔順可口的Barolo。三十餘年樹齡混合新植的十多年葡萄樹，收成後發酵大約15日，...
張貼留言
閱讀完整內容

葡萄酒的夢幻 — 鐘愛Brunello。

某天半夜，一覺從夢中驚醒，我有點失落。每次做這個夢，我的心頭總會被佔據數日。我驚訝在夢中的那個容顏竟仍如此清晰仿如昨天，而且夢境跟現實總是相反。接下來我總是會愧疚，不是因為一個人。而是....兩個人。 在云云眾多葡萄酒產區當中，意大利的Brunello di Montalcino可以說是本人五大最愛的其中之一。在兩度品嚐過Biondi Sandi 的Brunello後，傳統派的釀造风格令我留下了深刻的印象; 而Sangiovese的那份多樣性，可塑性更令我一心沉溺於此地。由有紀錄始於十四世紀開始直至十九世紀中期確定於100%的單一提子品種，再經歷二次大戰的戰火洗禮至到1960s，那時有紀錄的就只有11個釀造者; 1968年拿下DOC資格，1970年就有25個+;1980年成為意大利第一個獲得DOCG資格時約50多，到時至今日幾乎二百個多的釀造者，可謂百家爭鳴！ Barolo 與 Brunello可以說是意大利酒中的瑜與亮，論重要性大概相當于法國酒的Bordeaux 與 Burgundy。- 抱青 長壽，似遠又近，若即若離，複雜且難侍候，全部都是'它'的代名詞。缺少丁點兒的耐性，它就會令你空手而回，甚至會留下只有高酸苦澀的錯覺。根據我既過去經驗，愈係接近傳統的釀法就愈是如此，特別是當酒還是年輕的時候。成就Brunello的高度複雜性及細緻的均衡度，有人認為是來自於遠古白堊紀時期就已經組成的複雜土層，這裡曾經是被海洋覆蓋的一片土地；又有謂是高低起伏的山巒地勢，那由海拔350米至500米高度帶來的日夜溫差，為葡萄換來可貴的成熟時間：減緩糖份過份累積，維持高酸度，這一下使得耐得起時間考驗的Brunello，為漫長旅途的啓航做好了充份準備。 “ If forced to drink only one wine from Montalcino, I might very well choose Diego Molinari’s sumptuous Brunello.” Wine Advoacte Cerbaiona Brunello di Montalcino 2003，這酒對於我來說正是官能上的衝擊，是“廣度“：迷人，並不單單是因為複雜無比、花枝招展的香氣，重點卻是在於“密度“ 、凝縮感 ; 而令我一直都未能忘懷...
張貼留言
閱讀完整內容

生活記 #4

『蒹葭蒼蒼，白露為霜；所謂伊人，在水一方。』-  詩經 ＊Picture source from Dustykid - Internet 人與人之間的緣份真的很奇妙，所有的相遇、相識、相知到分離看似隨機又彷彿早已有了定數。 在每個生命中的人來人往，長大了，輾轉間身邊如今又剩下幾人？能夠彼此交心的 人 就愈來愈少，亦愈來愈難；因為，大家同樣都怕付出後得不到回應，受到傷害；原來小時候的那種純真簡單已經走得遠遠，一去不返。至於離開了的， 也許是錯了時間 ， 錯了地點；又或者是，根本兩者都不對。如果說相遇是偶然 、 離開是注定，那重遇又可以是甚麼呢？ 一個月內，三個差不多有十年甚或更長時間失去聯繫的人；熟悉的樣子 、聲線依舊，只是大家都成長了； 這亦證明，只要你願意向前踏出一步 、只要彼此之間還有“ 緣份”，命運有時候仍然會為你帶來驚喜的。只是從未想過， 多 年 來 一直 牽掛在心的 、 只有在夢境才會出現的畫面 ，卻在德國這個異鄉實現了。 我並沒有宗教信仰，但卻深信生命中發生的每件事 、遇到的每個人都是有含意且總必定令我學會些甚麼；亦正正是因為每一個故事都未必能有好的結局，所以..... 請珍惜現在所擁有的。 July 2016 November 2016 三個月後的今天，再次回到HohenSulzen，感覺是似曾相識卻又很陌生；記得拍下這張相的早上是3 °C ，整個上午我就跟來自奧地利的同伴在外清洗拖拉車。陰天 、 下雨加刮著風，手指都凍僵了，寒氣像是從腳底湧入身體。 凍多了 、 凍 慣了，那就好像不會覺得是一回事； 就如其他事一樣，只是習慣了； 可是，這樣卻是危險的。 習慣了寄人籬下 、 習慣了活在Comfort Zone 、 習慣了一切被牽著鼻子走；可能，有些人會喜歡一切都被安排好，但容許我 再說一次：我很討厭這種感覺！所以 .....！ Before Present 隨著收割期過去，酒莊內的一切看似回歸平靜，言而Fermentation的氣味跟聲音卻充斥著酒𥥖內每一寸空間；在幾乎是密閉的儲存室內，連呼吸新鮮空氣也有點困難；回來後的工作總是離不開清潔與收拾；這也好，重覆的工序令我有多點思考空間 、整理思緒及計劃下一步 。 話別總是離不開傷感，衷心感謝每一位曾經對我微笑...
張貼留言
閱讀完整內容