跳到主要內容

【氣泡酒】香檳以外嘅選擇 - Cremant de Loire - LaCheteau Brut NV

喺香港地個個打工仔咁辛苦日做夜做，無非都係想搵多個錢做一D自己想做嘅嘢，例如係買樓上車又或者係做下D小本生意，為嘅都係想將來過好D嘅生活。咁講法乜唔係應該要連酒錢都樫埋唔好飲咪仲好咩？！我又唔多認同呢種講法。小弟係一個土生土長嘅80s香港人，過去的十年庸庸碌碌的工作到宜家於德國葡萄酒莊工作，有過一段外地生活體驗、一場意想不到的人生。品酒聚會可以係俾面派對；儲酒收藏可以係個人喜好；本人認為葡萄酒終歸都係飲品，所以點樣都唔可以太離地；結束日常工作後小酌一下葡萄酒可以係一種生活態度，放鬆少少而唔係奢侈消費。


言歸正傳，人家對香檳（Champagne）嘅名氣我諗應該唔會陌生，其之所以矜貴係因爲只可以用喺法國香檳區（巴黎以東約160公里）指定範圍入面種植嘅葡萄同指定嘅方法釀造先可以叫做 “香檳”；物以罕為貴，再加埋 Marketing 效應，一枝入門版嘅 Champagne 動輒都要幾百蚊起錶，相信對較少品酒又或者 Budget 有限嘅朋友都未必會隨便咁 ‘開香檳慶祝’。就係咁樣，其他氣泡酒有價有市，好似小弟三月初去倫敦旅行嘅時候不論酒鋪好超市也好，Champagne 都總係高高在上咁企喺貨架頂層，相對接近人客、售價亦比較貼地嘅就係一眾Prosecco ( Italian Sparkling ) 及 Cava ( Spanish Sparkling )。至於今次希望分享俾各位嘅都同樣係黎自法國、喺香港較少人認識、以Champagne釀造方法（méthode traditionnelle）為藍本、價錢卻只需香檳一半卻高質嘅 “Cremant de Loire”。


簡介少少，由於即使用同樣嘅釀造方法都唔可以稱自己為 ‘Champagne’，所以 ‘Cremant’ 一詞就應用黎標識使用 Méthode traditionnelle 嘅一眾來自法國以及盧森堡嘅氣泡酒；‘de’ 係’from’嘅意思；而最後則為地區 - ‘Loire （羅亞爾河）’。由法國西北部城市 “南特” 一直向東伸延至 “奧爾良”，中間包含左約87個法定産酒區，Loire Valley 嘅釀酒歷史可以追溯返去公元一世紀，去到中世紀時期其葡萄酒喺英國及法國都非常受到喜愛，售價甚至超越當時嘅 ‘Bordeaux（波爾多）’葡萄酒。整個 Loire Valley 産區主要種植 Chenin blanc 、Sauvignon blanc、Melon de Bourgogne 等白葡萄品種，Cabernet franc 為紅葡萄品種。




 過去一星期試過呢款 LaCheteau Cremant de Loire, Brut NV；此酒喺 International Wine Challenge 2008 中拎到銅獎；提子組合有別於傳統 Champagne，以 Chenin blanc 跟 Chardonnay 為主。視覺上於酒杯為較深嘅黃色（Medium Yellow），氣泡顆粒均勻且密度頗高；嗅覺部分由於使用 Chenin blanc 嘅關係所以有著甜美清晰（Sweet & Clean）、香氣有著抹上少許蜜糖嘅水果如蜜瓜、蘋果、菠蘿（Honeyed Fruit Sweetness）；深入細味之後會多一D的複雜感好似酵母、礦物及果仁（Depth enhanced by its yeastiness, minerality & nutty notes）；12% Alc、口感清新均衡、酸度中等且舌頭上可以感受到活躍嘅氣泡（Refreshing, Medium body & acidity with racy bubbles mouth - feeling）。整體黎講，當然其複雜性相比 Champagne 會較為遜色且餘韻相對短促，但考慮到呢支酒嘅售價，作為一支入門級嘅氣泡酒黎講小弟認為絕對合理：條理明確、架構清晰易懂、香氣討好且售價平民化、屬於日常可以負擔嘅快樂葡萄酒被認為係其可取之處；配以食物的話，可以向 “Sweet & Sour” 嘅方向出發，中式料理如咕嚕肉、糖醋排骨、泰式炸蝦餅、韓式炸雞（唔辣）配酸甜醃蘿蔔等都會係一D幾唔錯嘅選擇。



Producer Website :
http://www.groupegcf.com/fr/nos-marques.html

Critics & Awarded :

- International Wine Challenge 2008 , Bronze awarded 

- Gilbert & Gaillard (France's key wine guides) , 87 Points

- Wine Enthusiast ( US Wine Magazine ) , 87 Points

Derekc：一個土生土長嘅80s香港人，過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台；另外如果大家有希望想睇到葡萄酒題目亦歡迎隨時聯絡我，又或者可以傾下酒經 ~

Instagram : https://www.instagram.com/derekc_c/

留言

張貼留言

這個網誌中的熱門文章

「弱水三千，只取一瓢飲」

人人都話2002年意大利好差好差，難買又易中地雷，Robert Parker就評佢76分；持續大風、落雨、陰天，以為山頂會好D咩，又要落雹、有風暴。係咪真係咁差？我又覺得唔算，可能係因為仲未飲過覺得難飲既2002年意大利紅酒吧。係我眼中，弱年又未必一定係差曬既。起碼價錢大多都比較便宜，而且又可以提早飲用。酒逢知已千杯少，很高興有人能好好欣賞。 如果講流行程度，意大利酒係香港黎講應該係比西班牙酒更高。有人話，宜家既西班牙就好似復興時期，像二、三十年前既意大利一樣。產酒區制度複雜又多、對本地提子品種陌生係一個較大既障礙，而且廠家品牌太多較難管理致使品質參差不齊等，種種因素都令消費者卻步。位處於北部Piemonte 的Barolo, Barbaresco; 中部Tuscany的Chianti, Brunello di Montacino同Amarone等較為人熟知外，其他如Soave, Valpolicella, Procecco, Bolgheri等產地可能已較為次之。 19世紀以來，Barolo被稱為“酒皇“既說法係意大利開始流行並走向世界，但在此以前Barolo是有被釀做成甜酒的。Nebbiolo，一種皮薄果味濃而又能提供強力單寧既提子。傳統既Barolo絕大部分都係在提子完全成熟前提早收割，採取不干預且長時間的自然浸漬，並於巨型斯洛維尼亚木桶長時間發酵熟成，規定上市前要最少兩年木桶以及一年於瓶中陳年，而Riserva則是三年木桶以及二年瓶陳。一般常要十年以上單寧先可以開始醇化而適飲既舊式Barolo被世人認為等待得太長久，以及為左迎合酒評家口味，現代化既Barolo釀酒方式開始流行；縮短浸皮及發酵時間以減少單寧、於較細小的新法國木桶" B arriques  " 及 在上市前延長待在瓶中的時間， 使 氧化 加 速、提早飲用及使更濃厚的木桶氣味滲透酒中。從此以後Barolo給世人的印象就開始改變，亦有稱新木桶的氣味會將本身的玫瑰氣味埋沒。是好是壞，就只決定於個人喜好。 講番支酒，Montaribaldi Barolo “BORZONI” 2002 。有別於一般強力厚重而果味濃鬱，這個以造Barbaresco起家的莊園就造出了一支柔順可口的Barolo。三十餘年樹齡混合新植的十多年葡萄樹，收成後發酵大約15日，...
張貼留言
閱讀完整內容

葡萄酒的夢幻 — 鐘愛Brunello。

某天半夜，一覺從夢中驚醒，我有點失落。每次做這個夢，我的心頭總會被佔據數日。我驚訝在夢中的那個容顏竟仍如此清晰仿如昨天，而且夢境跟現實總是相反。接下來我總是會愧疚，不是因為一個人。而是....兩個人。 在云云眾多葡萄酒產區當中，意大利的Brunello di Montalcino可以說是本人五大最愛的其中之一。在兩度品嚐過Biondi Sandi 的Brunello後，傳統派的釀造风格令我留下了深刻的印象; 而Sangiovese的那份多樣性，可塑性更令我一心沉溺於此地。由有紀錄始於十四世紀開始直至十九世紀中期確定於100%的單一提子品種，再經歷二次大戰的戰火洗禮至到1960s，那時有紀錄的就只有11個釀造者; 1968年拿下DOC資格，1970年就有25個+;1980年成為意大利第一個獲得DOCG資格時約50多，到時至今日幾乎二百個多的釀造者，可謂百家爭鳴！ Barolo 與 Brunello可以說是意大利酒中的瑜與亮，論重要性大概相當于法國酒的Bordeaux 與 Burgundy。- 抱青 長壽，似遠又近，若即若離，複雜且難侍候，全部都是'它'的代名詞。缺少丁點兒的耐性，它就會令你空手而回，甚至會留下只有高酸苦澀的錯覺。根據我既過去經驗，愈係接近傳統的釀法就愈是如此，特別是當酒還是年輕的時候。成就Brunello的高度複雜性及細緻的均衡度，有人認為是來自於遠古白堊紀時期就已經組成的複雜土層，這裡曾經是被海洋覆蓋的一片土地；又有謂是高低起伏的山巒地勢，那由海拔350米至500米高度帶來的日夜溫差，為葡萄換來可貴的成熟時間：減緩糖份過份累積，維持高酸度，這一下使得耐得起時間考驗的Brunello，為漫長旅途的啓航做好了充份準備。 “ If forced to drink only one wine from Montalcino, I might very well choose Diego Molinari’s sumptuous Brunello.” Wine Advoacte Cerbaiona Brunello di Montalcino 2003，這酒對於我來說正是官能上的衝擊，是“廣度“：迷人，並不單單是因為複雜無比、花枝招展的香氣，重點卻是在於“密度“ 、凝縮感 ; 而令我一直都未能忘懷...
張貼留言
閱讀完整內容

生活記 #4

『蒹葭蒼蒼，白露為霜；所謂伊人，在水一方。』-  詩經 ＊Picture source from Dustykid - Internet 人與人之間的緣份真的很奇妙，所有的相遇、相識、相知到分離看似隨機又彷彿早已有了定數。 在每個生命中的人來人往，長大了，輾轉間身邊如今又剩下幾人？能夠彼此交心的 人 就愈來愈少，亦愈來愈難；因為，大家同樣都怕付出後得不到回應，受到傷害；原來小時候的那種純真簡單已經走得遠遠，一去不返。至於離開了的， 也許是錯了時間 ， 錯了地點；又或者是，根本兩者都不對。如果說相遇是偶然 、 離開是注定，那重遇又可以是甚麼呢？ 一個月內，三個差不多有十年甚或更長時間失去聯繫的人；熟悉的樣子 、聲線依舊，只是大家都成長了； 這亦證明，只要你願意向前踏出一步 、只要彼此之間還有“ 緣份”，命運有時候仍然會為你帶來驚喜的。只是從未想過， 多 年 來 一直 牽掛在心的 、 只有在夢境才會出現的畫面 ，卻在德國這個異鄉實現了。 我並沒有宗教信仰，但卻深信生命中發生的每件事 、遇到的每個人都是有含意且總必定令我學會些甚麼；亦正正是因為每一個故事都未必能有好的結局，所以..... 請珍惜現在所擁有的。 July 2016 November 2016 三個月後的今天，再次回到HohenSulzen，感覺是似曾相識卻又很陌生；記得拍下這張相的早上是3 °C ，整個上午我就跟來自奧地利的同伴在外清洗拖拉車。陰天 、 下雨加刮著風，手指都凍僵了，寒氣像是從腳底湧入身體。 凍多了 、 凍 慣了，那就好像不會覺得是一回事； 就如其他事一樣，只是習慣了； 可是，這樣卻是危險的。 習慣了寄人籬下 、 習慣了活在Comfort Zone 、 習慣了一切被牽著鼻子走；可能，有些人會喜歡一切都被安排好，但容許我 再說一次：我很討厭這種感覺！所以 .....！ Before Present 隨著收割期過去，酒莊內的一切看似回歸平靜，言而Fermentation的氣味跟聲音卻充斥著酒𥥖內每一寸空間；在幾乎是密閉的儲存室內，連呼吸新鮮空氣也有點困難；回來後的工作總是離不開清潔與收拾；這也好，重覆的工序令我有多點思考空間 、整理思緒及計劃下一步 。 話別總是離不開傷感，衷心感謝每一位曾經對我微笑...
張貼留言
閱讀完整內容