跳到主要內容

生活記＃2nd

"住係呢條小村莊，我終於明白點解人們都滿足於此地，安於現狀。
 雖然人唔多，但係人與人之間就好Close，好有人情味，
我發覺已經好耐冇係城市裡面搵到了；
早午晚每個人見到面既時候，無論你係係面前或者係隔到九杖遠都好，
都會同你“Hallo~Hallo~“咁打朝呼，連對我呢個外來既面孔亦唔例外"

每逢大小節日，商戶會打開門口招呼村民，酒莊就當然提供飲品啦〜
24/7，我就食左個Classic Style既歐式薄餅，
飲左3大杯我地自家既作品：Weissburgunder，Riesling，Grio Rot；
(當然係唔駛錢入我老闆數啦，因為佢地個名係呢條村都幾響，仲有4,5間屋添。。）
即使只係個小型聚會，大家坐埋一齊聚首一堂傾下計，
拎住杯酒坐係旁邊同老闆娘傾計，
難得佢冇乜架子，又就我同我講英文；
睇住佢兩個仔同班小朋友係唔夠50米既距離賽跑玩ＢＢ彈槍，
或者我呢個廿九歲來自城市既人，真的老矣。。。
雖然當晚冇玩過，但係真係好開心滿足〜
（當晚出期地平時挺怕醜冇咩野講既奥地利屋友同我講多野，
包括佢屋企隻狗，佢鐘意既女仔同佢屋企個酒莊；）
呢度Ｄ人成日都同我講，兩杯落肚之後我就會識得講德文，
講乜都會流利Ｄ，原來真係真嫁〜（≧∇≦）


最近試左款白酒係香港比較少飲 － Gewürztraminer Spätlese
呢隻提子其實都常飲，但係Spatlese就相對少見。
Of course人就係德國，要飲就當然係飲Made in Germany啦
産自東南部的一個城鎮－Westhofen ( 距離我住嗰度唔算遠，10+Km咁啦 ）

Gewürztraminer－特徵係豐富既香氣。
好多人一聞就可能會講：“唔....個味道好熟悉....係荔枝！“
冇錯！呢個就係Gewürztraminer既標誌，而科學研究又會話你知佢地係share埋同一款Aroma Compounds~

Spätlese的不同之處比平常來得更多濃郁既甜香，原因係用既提子需要比平常的收割遲少少（At least 7 days)，所以一般黎講會比較熟且糖份亦相對為高一點。我諗可能係為左保留一定甜度，所以係呢支酒裡面既酒精度就做得平常低，只有11.5%；
有好多時候可能都會問：Spätlese同Auslese究竟點樣去分辨呢？
如果去睇Wiki，佢會話你知兩隻都係Late Harvest；
Auslese主要特別在"Selection Harvest"，即係話係提子選擇上更為講究而且更熟，
分分鐘會遲到11月尾至於12月先收（比平常差不多遲收兩個月），
而且Auslese大多數會被視為Dessert Wine；

講番支酒，呢支並唔係Ｄ咩Special Edition，只係超市賣價值回5歐；
香氣逼人；成熟大樹菠蘿，香梨，荔枝同埋honeysuckle（花香）；
入口密度算幾高，厚身，Medium- Sweet，而且留有足夠酸度；
雖然Lasting算短且唔複雜，但係作為一支Daily Wine及餐前酒就絕對係夠質素。
宜配較Heavy類前菜如Smoked Salmon w/Honey Mustard+Drill Dressing，或者唔太甜既Dessert。


唔經唔覺就已經過左一個月多，生活每日都過得好充實。
下星期就要離開HohenSulzen去Freiburg面對Harvesting，要到11月先再番黎
；I will miss you all , HohenSulzen & Battlefield Spanier ~

留言

張貼留言

這個網誌中的熱門文章

「弱水三千，只取一瓢飲」

人人都話2002年意大利好差好差，難買又易中地雷，Robert Parker就評佢76分；持續大風、落雨、陰天，以為山頂會好D咩，又要落雹、有風暴。係咪真係咁差？我又覺得唔算，可能係因為仲未飲過覺得難飲既2002年意大利紅酒吧。係我眼中，弱年又未必一定係差曬既。起碼價錢大多都比較便宜，而且又可以提早飲用。酒逢知已千杯少，很高興有人能好好欣賞。 如果講流行程度，意大利酒係香港黎講應該係比西班牙酒更高。有人話，宜家既西班牙就好似復興時期，像二、三十年前既意大利一樣。產酒區制度複雜又多、對本地提子品種陌生係一個較大既障礙，而且廠家品牌太多較難管理致使品質參差不齊等，種種因素都令消費者卻步。位處於北部Piemonte 的Barolo, Barbaresco; 中部Tuscany的Chianti, Brunello di Montacino同Amarone等較為人熟知外，其他如Soave, Valpolicella, Procecco, Bolgheri等產地可能已較為次之。 19世紀以來，Barolo被稱為“酒皇“既說法係意大利開始流行並走向世界，但在此以前Barolo是有被釀做成甜酒的。Nebbiolo，一種皮薄果味濃而又能提供強力單寧既提子。傳統既Barolo絕大部分都係在提子完全成熟前提早收割，採取不干預且長時間的自然浸漬，並於巨型斯洛維尼亚木桶長時間發酵熟成，規定上市前要最少兩年木桶以及一年於瓶中陳年，而Riserva則是三年木桶以及二年瓶陳。一般常要十年以上單寧先可以開始醇化而適飲既舊式Barolo被世人認為等待得太長久，以及為左迎合酒評家口味，現代化既Barolo釀酒方式開始流行；縮短浸皮及發酵時間以減少單寧、於較細小的新法國木桶" B arriques  " 及 在上市前延長待在瓶中的時間， 使 氧化 加 速、提早飲用及使更濃厚的木桶氣味滲透酒中。從此以後Barolo給世人的印象就開始改變，亦有稱新木桶的氣味會將本身的玫瑰氣味埋沒。是好是壞，就只決定於個人喜好。 講番支酒，Montaribaldi Barolo “BORZONI” 2002 。有別於一般強力厚重而果味濃鬱，這個以造Barbaresco起家的莊園就造出了一支柔順可口的Barolo。三十餘年樹齡混合新植的十多年葡萄樹，收成後發酵大約15日，...
張貼留言
閱讀完整內容

葡萄酒的夢幻 — 鐘愛Brunello。

某天半夜，一覺從夢中驚醒，我有點失落。每次做這個夢，我的心頭總會被佔據數日。我驚訝在夢中的那個容顏竟仍如此清晰仿如昨天，而且夢境跟現實總是相反。接下來我總是會愧疚，不是因為一個人。而是....兩個人。 在云云眾多葡萄酒產區當中，意大利的Brunello di Montalcino可以說是本人五大最愛的其中之一。在兩度品嚐過Biondi Sandi 的Brunello後，傳統派的釀造风格令我留下了深刻的印象; 而Sangiovese的那份多樣性，可塑性更令我一心沉溺於此地。由有紀錄始於十四世紀開始直至十九世紀中期確定於100%的單一提子品種，再經歷二次大戰的戰火洗禮至到1960s，那時有紀錄的就只有11個釀造者; 1968年拿下DOC資格，1970年就有25個+;1980年成為意大利第一個獲得DOCG資格時約50多，到時至今日幾乎二百個多的釀造者，可謂百家爭鳴！ Barolo 與 Brunello可以說是意大利酒中的瑜與亮，論重要性大概相當于法國酒的Bordeaux 與 Burgundy。- 抱青 長壽，似遠又近，若即若離，複雜且難侍候，全部都是'它'的代名詞。缺少丁點兒的耐性，它就會令你空手而回，甚至會留下只有高酸苦澀的錯覺。根據我既過去經驗，愈係接近傳統的釀法就愈是如此，特別是當酒還是年輕的時候。成就Brunello的高度複雜性及細緻的均衡度，有人認為是來自於遠古白堊紀時期就已經組成的複雜土層，這裡曾經是被海洋覆蓋的一片土地；又有謂是高低起伏的山巒地勢，那由海拔350米至500米高度帶來的日夜溫差，為葡萄換來可貴的成熟時間：減緩糖份過份累積，維持高酸度，這一下使得耐得起時間考驗的Brunello，為漫長旅途的啓航做好了充份準備。 “ If forced to drink only one wine from Montalcino, I might very well choose Diego Molinari’s sumptuous Brunello.” Wine Advoacte Cerbaiona Brunello di Montalcino 2003，這酒對於我來說正是官能上的衝擊，是“廣度“：迷人，並不單單是因為複雜無比、花枝招展的香氣，重點卻是在於“密度“ 、凝縮感 ; 而令我一直都未能忘懷...
張貼留言
閱讀完整內容

生活記 #4

『蒹葭蒼蒼，白露為霜；所謂伊人，在水一方。』-  詩經 ＊Picture source from Dustykid - Internet 人與人之間的緣份真的很奇妙，所有的相遇、相識、相知到分離看似隨機又彷彿早已有了定數。 在每個生命中的人來人往，長大了，輾轉間身邊如今又剩下幾人？能夠彼此交心的 人 就愈來愈少，亦愈來愈難；因為，大家同樣都怕付出後得不到回應，受到傷害；原來小時候的那種純真簡單已經走得遠遠，一去不返。至於離開了的， 也許是錯了時間 ， 錯了地點；又或者是，根本兩者都不對。如果說相遇是偶然 、 離開是注定，那重遇又可以是甚麼呢？ 一個月內，三個差不多有十年甚或更長時間失去聯繫的人；熟悉的樣子 、聲線依舊，只是大家都成長了； 這亦證明，只要你願意向前踏出一步 、只要彼此之間還有“ 緣份”，命運有時候仍然會為你帶來驚喜的。只是從未想過， 多 年 來 一直 牽掛在心的 、 只有在夢境才會出現的畫面 ，卻在德國這個異鄉實現了。 我並沒有宗教信仰，但卻深信生命中發生的每件事 、遇到的每個人都是有含意且總必定令我學會些甚麼；亦正正是因為每一個故事都未必能有好的結局，所以..... 請珍惜現在所擁有的。 July 2016 November 2016 三個月後的今天，再次回到HohenSulzen，感覺是似曾相識卻又很陌生；記得拍下這張相的早上是3 °C ，整個上午我就跟來自奧地利的同伴在外清洗拖拉車。陰天 、 下雨加刮著風，手指都凍僵了，寒氣像是從腳底湧入身體。 凍多了 、 凍 慣了，那就好像不會覺得是一回事； 就如其他事一樣，只是習慣了； 可是，這樣卻是危險的。 習慣了寄人籬下 、 習慣了活在Comfort Zone 、 習慣了一切被牽著鼻子走；可能，有些人會喜歡一切都被安排好，但容許我 再說一次：我很討厭這種感覺！所以 .....！ Before Present 隨著收割期過去，酒莊內的一切看似回歸平靜，言而Fermentation的氣味跟聲音卻充斥著酒𥥖內每一寸空間；在幾乎是密閉的儲存室內，連呼吸新鮮空氣也有點困難；回來後的工作總是離不開清潔與收拾；這也好，重覆的工序令我有多點思考空間 、整理思緒及計劃下一步 。 話別總是離不開傷感，衷心感謝每一位曾經對我微笑...
張貼留言
閱讀完整內容