工作記＃1

 

就算得到“天”的眷顧和“人”的愛，無法在“地”上紮根的話，就不會有真正的“結果”。
只有當“天”、“地”、“人”聚集在一起時，才會產生完美的葡萄酒。
－ 摘錄自漫畫神之水滴 －

也許對大部分人黎講，像這種離家這麼久那麼遠的旅程中，

應該會是到處遊覽，少少Working多多Holidays；

反而如無意外，由現在到明年三月我都應該排滿了工作，

到週末休息先可以四圍去旅行；

But anyway, so far I am quite enjoy my life~

到德國以來個多月中，由於跟從前的生活感受有著太大不同，

所以在Blogger及Facebook的記事中亦多以旅遊體驗較多，

反而對工作的敘述卻還未有過整理，或許也是時候來篇“工作記”了，
所以可能會有少少沉悶....

原本以為黎到德國工作合作應該多是本地人，點知原來係葡萄園工作既波蘭人一Ｄ都晤少；宜家喺呢度每日五個人工作（計埋我），三個Partner都係came from Poland，
而佢地絕大部分英文溝通能力值都極度欠奉.... 所以為左溝通，都要出盡法寶。
天啊！我每日已經好努力咁去學習德文，我諗現階段波蘭文就應該收唔到了.....

離開HohenSülzen之後， 未來三個月生活的地方是位於Freiburg東邊25Km+的小村落 － Bischoffingen  
一個經常落雨且寒冷既河谷地方。相隔著Rhein Rhine，河的對岸就是法國的Alsace。

黎得酒莊工作，特別喺葡萄園，我諗最先需要適應就應該係呢度変化𣊬迅既天氣。

從事戶外工作，好天曬落雨淋就當然係唔少得，

但係一日之內連續五次由乾到濕透，到乾完之後又再濕透都係第一次試；

每次當你做緊野既時候，見到個天黑晒諗住行幾分鐘返去車度著好裝備，

落住大雨做做下又唔夠30分鐘，天上面一舊雲都冇而個太陽又會將你曬到燒豬咁；

到你熱到要放低手頭上既野行返幾分鐘去車度除低身上焗到咩咁既塑膠裝備，

返到工作崗位既個多小時之後，天色又再次風起雲湧....如是者不斷重覆....

其實我想講：我唔怕曬，但係就真係幾唔鐘意濕住黎做，感覺就好似食左十舊豬油膏咁....

記得喺影呢張相既時候啱啱落完場大雨天剛轉晴，
其實係左半邊仲落住幾密既雨，右半邊就出猛太陽，而我件兩衣就仲掛係中間

 講番工作，打理葡萄園 〜！
就咁聽落去好似好簡單，但係一個有效率且具糸統既管理其實係非常重要，
因為接著落黎可以有幾多收成、葡萄質量、甚至乎成酒既style基本上都可以話係由呢度開始。

喺Bischoffingen就坐紅色車，喺HohenSülzen就坐白色車；
我地每次落田工作就係咁一行幾人坐住架車四圍去。

係呢張相入面係同一塊田地但係就由不同Owner擁有，可以清楚指出有冇打理過既分別：左邊田地雜草生到一地都係、欄柵鬆散、葡萄藤過高、樹葉遮住提子等等。。。

至於我最近每日多數要做既野就係“啪啪啪”，仲會周不時整到副眼鏡同塊面都濕晒，
之不過唔係D咩‘邪’野，而係Cutting同Chopping >.<
下面又有兩張相，同一欄提子，眼利既朋友睇吓有咩分別〜

工作前

工作後

無錯，對比工作前後既分別，就都會見到葉少左而D提子暴露左出黎；

點解要咁做？最直接既原因係為左空氣流通，特別係雨後。
因為提子非常需要乾爽，要不然會更容易因感染病菌，
相反太多樹葉就會阻擋風於有提子的部分吹過，更會妨礙陽光照射，所以絕對有必要移除；不過並唔係就咁摘走晒Ｄ葉就得，唔同既葡萄品種就有唔同既摘法，
例如好似Riesling咁就只需要摘走一面。

其二，減少蟲害。除左噴Spray之外，最直接有效既方法就係減少樹葉，
因為好多對葡萄有害既昆蟲其實都好唔鐘意曬太陽。
而蟲害好多時都會帶來入侵性既傷害，好似食光樹葉、破壞及使提子更容易受疾病感染，從而減少及降低提子質量。

減少樹葉，到最後亦都係關係到成酒Style。
因為接收到更多陽光，提子既溫度就會相對升高，對達到完全成熟黎講係必須的；
另一方面雖然對葡萄既糖份累積影響唔算太多，但係就會直接關係到提子皮既顔色深度、PH值同埋葡萄本身既酸度，甚至可以減少Vegetal Flavor Development。

打理葡萄園學問真係有好多，唔怪得係度個個從事呢個行業既人都要讀番個相關Degree。要做出好既葡萄酒，需要既係‘天時’‘地利’‘人和’；
雖然話缺一不可，但我認為‘人’既部分真係好重要，特別係經驗。
每日望著呢片葡萄田海，我好感恩可以從源頭去重新認識葡萄酒，
所以即使係朝寒晏熱、日曬雨淋，對於辛苦學到既野我都認為係值得既；
雖然我都係略𢤦皮毛，但亦都希望我既分享能夠令到更多人可以對葡萄酒有多Ｄ既了解。

當然啦，我既每一日同做過既野又點會只係摘樹葉咁簡單吖〜
但係為左唔好太過冗長同沉悶，今次既工作記暫時就到呢度停住先，
下面俾大家睇下我同事 － U.S-Germany既Lawrence示範下我地平時係點樣摘樹葉啦〜
（ 其實一人一條Row都唔係易做嫁，平常快則都要一個鐘頭；
有時真係會手快快摘走左兩三串提子，我會話：酒神啊，請祢原諒我啦！>.< ）