。品酒。港生活。看世界。

人人都話2002年意大利好差好差，難買又易中地雷，Robert Parker就評佢76分；持續大風、落雨、陰天，以為山頂會好D咩，又要落雹、有風暴。係咪真係咁差？我又覺得唔算，可能係因為仲未飲過覺得難飲既2002年意大利紅酒吧。係我眼中，弱年又未必一定係差曬既。起碼價錢大多都比較便宜，而且又可以提早飲用。酒逢知已千杯少，很高興有人能好好欣賞。 如果講流行程度，意大利酒係香港黎講應該係比西班牙酒更高。有人話，宜家既西班牙就好似復興時期，像二、三十年前既意大利一樣。產酒區制度複雜又多、對本地提子品種陌生係一個較大既障礙，而且廠家品牌太多較難管理致使品質參差不齊等，種種因素都令消費者卻步。位處於北部Piemonte 的Barolo, Barbaresco; 中部Tuscany的Chianti, Brunello di Montacino同Amarone等較為人熟知外，其他如Soave, Valpolicella, Procecco, Bolgheri等產地可能已較為次之。 19世紀以來，Barolo被稱為“酒皇“既說法係意大利開始流行並走向世界，但在此以前Barolo是有被釀做成甜酒的。Nebbiolo，一種皮薄果味濃而又能提供強力單寧既提子。傳統既Barolo絕大部分都係在提子完全成熟前提早收割，採取不干預且長時間的自然浸漬，並於巨型斯洛維尼亚木桶長時間發酵熟成，規定上市前要最少兩年木桶以及一年於瓶中陳年，而Riserva則是三年木桶以及二年瓶陳。一般常要十年以上單寧先可以開始醇化而適飲既舊式Barolo被世人認為等待得太長久，以及為左迎合酒評家口味，現代化既Barolo釀酒方式開始流行；縮短浸皮及發酵時間以減少單寧、於較細小的新法國木桶" B arriques  " 及 在上市前延長待在瓶中的時間， 使 氧化 加 速、提早飲用及使更濃厚的木桶氣味滲透酒中。從此以後Barolo給世人的印象就開始改變，亦有稱新木桶的氣味會將本身的玫瑰氣味埋沒。是好是壞，就只決定於個人喜好。 講番支酒，Montaribaldi Barolo “BORZONI” 2002 。有別於一般強力厚重而果味濃鬱，這個以造Barbaresco起家的莊園就造出了一支柔順可口的Barolo。三十餘年樹齡混合新植的十多年葡萄樹，收成後發酵大約15日，...

自從迷上了喝葡萄酒後，漸漸令我相信，有些事情、事物是需要經過沉澱才能變得更美好。原諒我才疏學淺見識少，好多被認為係神級、高分、天價既酒我都未飲過。可以話我冇能力負擔、冇際遇遇上，甚至係"喝不到的葡萄酒是酸的。"不過我仍然堅信，好既葡萄酒，首要既條件係一般大多數人能夠負擔得起。作為一種飲品，七、八萬一支D.R.C； 四、五萬一支Screaming Eagle係咪好酒，我唔知。或許是個身份象徵、是個目標、是個憧憬都高於其飲用的價值，而且只有小部分人能試到。當然，始終影響酒價既因素實在係太多。 Biondi Santi Brunello，位於意大利中部的Tuscany，鄰近Chianti產酒區。究竟魅力係邊度，令佢成為產區三巨頭之一，甚至聞名於世？其中之一我相信係佢既傳奇。佢對100% Sangiovese既努力同堅持，不斷的選育配種以改良品種，所釀造的酒不斷的獲得各項大賽的獎項。而最重要貢獻莫過於在1932年，他所培育出來以Brunello命名的優秀新種Sangiovese，正式被官方認定，有同樣志向的酒莊紛紛加入種植該品種，大大提升該產區的品質，至此之後” Brunello di Montalcino”成為義大利最高級的酒款之一，並能與Piemonte的Barolo並駕齊驅的頂尖酒款。 Risevra 1983，打開了錫紙，木塞跟瓶頂都發霉了，完全失去了彈性，浸了九成酒液，像是一觸即碎似。開瓶後竟然只有少許老酒味，但不到十分鐘就已經回復典型的Brunello味道，我才驚歎"她"是如此年輕。莊主講過他的Brunello一般要10年才適飲，能存20年或以上；而Risevra 20 - 25年適飲，能存50年之久！當然50年可能係講緊Ex-Chateau，而且講究存放條件，並唔係每一支都做得到。原瓶呼吸12小時，落杯後一切條件都很好，在Burgundy杯亦撐得起，顏色磚紅，甚至接近橙紅邊。淡淡而令人回味的乾花香，是乾玫瑰嗎？還是紫羅蘭？果是Cherry、Plum，再來像是松露、菇類；之後又有陣陣像是油畫、油彩的味道；酒友說是因為這個地方跟以前文藝復興的地方很近使然，也說得通。口感變化不太大，以果味為主，酸度中等，單寧仍然足夠，至少中等甚或以上的Sweet Tannin；After taste Medium+。...

我深信，無論做人對事，可唔可以成功及達到自己同別人既期望，好大程度上係取決於你有幾想完成 - 即係決心。係呢方面，我自己都幾執著。但係我發覺，絕對唔可以套用係其他人身上。因為，認真便輸了… Burgundy，全世界其中一部分最高價酒既產地。打開地圖，會發現無數村、田地的名 字，有大有細。只不過係隔左一條公路，價值就差好遠。理論上級數排序係Grand Cru、Premier 1st Cru、Village。上、中、下；Cote de Nuits 較為受世人重視，產物大多為Pinot Noir紅酒；Cote de Beaune次之，多以Chardonnay為白酒之首聞名；Cote Chalonnaise相對會更少人接觸。仲有又分酒莊、每個年份，對質量都有決定性既影響。最重要係產量不多，例如一年只出幾千支，全世界愛酒之人都搶住要，價錢亦相對較高。如果唔係愛好者或者有錢人，都未必會深入鑽研。 Morey St Denis，據說擁有Gevrey既有力，亦有Chambolle 既細膩。今次試呢支就位於Clos De Tart Grand Cru呢塊田上，由同名Clos de Tart呢個傳統酒莊做既 La Forge de Tart Morey St Denis 1st Cru 2006。選擇特定年份先釀做，將 Clos De Tart一分為八，選取特定兩塊田地既提子，用同 Grand Cru同一樣既種植同釀造方法，成品就自動降級   Premier Cru。 2006年距離宜家只不過七年多，有點感覺衰退得快一點。Unfined and Unfiltered就令口感多了點但混濁一點。由開瓶到落杯到入口，都充斥一陣陳年既味道。傳統Burgundy既Tomato、Strawberry唔係主軸，反而係Cherry、Chocolate、Milky、枝梗既味道。會唔會係D提子唔夠成熟呢? Tannin同Acidity最少有Medium，入口較為單一，感覺係屬於接近Gevrey較為強烈既風格，但明明田是較近Chambolle的… 酒是不俗的，但錢有部份係花係稀有性同名氣上。如果真係要1K先可以飲到的話…

講到買酒，我自問係個麻煩友。又要合價錢，又要講產區，仲要適飲年期…所以買酒既時候多數都係左揀右揀好耐，而又甚少聽Sales意見，獨斷獨行，起碼唔好飲都冇得賴。要我願意俾錢買既酒，要符合既條件可能仲多過我揀老婆。如果問我最少接觸既國家，美國酒都可能係其中一個。除左上堂飲之外，都好少自已俾錢買，原因係有質素既多數都係Over Price。由於我既戰場大部份係意大利、西班牙，新世界又有智利、阿根廷，而且發掘價廉物美既酒又係我既嗜好。 美國酒既AVA制度設立， 其實 都可以體現到美國人既創新 冒險 、別樹一格既精神。瓶身Label上，"Louis M Martini"係酒莊名稱、"Brand Name"；"Cabernet Sauvignon"係提子品種、"Grape Varieties"；"Sonoma Country"係California入面其中一個產酒區、"AVA (The Appellation and American Viticultural Area)"；而"2010"就係年份、"Vintage"。不過，佢既法例就講到明，Only 95% of Fruit need to come from this Vintage；85% of Fruit comes from "AVA"；75% Grape Varieties must much which stating on the Label；And 100% must be bottled in the winery。咁 即係話你知，要你係Blind Tasting入面100%試得中基本上成功率係好低！例如Label係寫呢種提子，但係其實亦有可能係有25%係混合其他提子而又唔話你知。我諗exactly既比例可能只有個winemaker先知… 今次飲呢支都算對板，雖然呢個區出的Pinot Noir 比較出色。Blackcurrant，Mint，Oak Wood，Cinnamon，Vanilla，Green Pepper，classic Cabernet Sauvignon Aroma。Tannin ...

最近覺得，自己開始踏入試酒既領域。大路既國家已經開始捉到用神，都算係一個好既開始。畢竟，2013已經過去，新一年都應該有個新開始… Bodega Catena Zapata，意大利人去到阿根廷紮根，目標係釀造出最接近當地風土既酒。又的而且確，我飲過最好飲既Malbec、阿根廷酒，就只有呢個酒莊。對我黎講，佢代表了這個國家的酒，打開了我的門。就價錢而言，中級酒款已接近四百，旗艦酒款更接近一千。外行人以至一般飲家而言係不值一買。不過，一分錢一分貨，你願意俾錢，佢絕對交到功課。2010新酒，一開瓶就進入狀態，濃度好高，酒精感強，深色到不得了。皮革、肉桂、乾香草，新鮮而高濃度黑梅、雲尼拿，感覺到木桶香氣同枝酒融合得好好，是緊緊的而唔係分開散散的。果香的甜，令人悄悄忽略左本身一定既酸度。當然，咁濃既酒絕對唔可以飲得好多。如果話Chabis是生蠔的伴，羊架就是Malbec。如再多等個三年，我認為會更好。 我覺得，1993年開始造酒，ConoSur 一直都可以話係智利餐酒中的一個保證，所謂 ‘蔗喳既價錢，造到叉燒既味道’。記得Decanter都有講過佢呢支Pinot Noir既物值高，個人認為已經望到澳洲、紐西蘭既水準，而且智利Casablanca出既Pinot又一直水準穩定。不過，比起之前飲過既Single vinyard Cabernet Sauvignon，又差左一D深度。Red Cherry、Grassy、Drill herbs、Slightly Oak aroma，Medium Body，Medium Acidity。 以一支不到二百元的酒來說就很不錯，同埋最緊要係飲得舒服。值得一提既係，落左醒酒器，更開放，更好飲。而今年其中一個既飲酒目標係，要試一支高級酒款既智利酒！ 講真！我真係好鐘意飲Brunello…！ 同埋唔知點解，總係覺得神之水滴，第十二門徒係南美酒…

 世界太大，酒種太多。當Blind tasting既時候，面對既係自己，唔單純係知識，仲有內心感受；而當面對人，才可以更認清自己。 Cava係有氣酒既世界裡面就只係便宜貨，而且係香港就更加唔係好多人認識。用既係Champagne既方法，二次發酵、人手轉樽，Minimum九個月窖藏，可以唔同提子，但係就1/3價錢。常有一陣微苦澀，但比起香檳多果味而小Butter同Nuts的味道。至於氣泡，持久度高而大粒。通常過二百蚊已經叫貴，但係又比同價意大利Processco多了一點深度。 採用當地原生葡萄品種Macabeo、Xarel.lo、Parellada所釀成的 ，亦可用Chardonny、Pinot Noir 。 至於大約95% Cava 就係出自東北部Catalonia既Penedes地區。 又一次係平民酒廠Cono Sur，今次係Single Vinyard，亦算係貴價Series，大約二百蚊，但係亦係我飲過最唔似Chile Cabernet Sauvignon其中之一。Elegant、Fruit、Medium Bodied，酒精感唔高，無唔熟既提子常有既Green Bell Pepper味。Maipo D.O呢個智利中央地方就係種Cabernet Sauvignon出名的。 Imperial Rioja Gran Reserva 2004，Rioja其中中一個有久遠歷史既酒莊，Wine Spectator年度選頭一百支，而眾多酒評家亦有高評語，係高性價比既表表者，上市前最少陳年五年。香氣表現搶眼而且有深度，感覺係果香同桶氣混為一體，而唔係好似法 國酒咁分明。至於入口就差了一點耐久同層次，酸度中挺而中度酒體。紅果味突出令我留下印象，但就算過左咁多年，依然極度年輕，我認為只係剛步入適飲期不久，多放5-8年都唔成問題。低於$400既價錢，超值！相信要入多支黎放下先得。 第一次飲Taurasi DOCG呢個產區，只係意識到它來自意大利中部，卻誤會了它來自Brunello。Aglianico grape，結實既單寧，中等酸度，紅梅果香加輕柔花香，薄薄桶味似係Slovenia大桶長期熟成既結果，及陳年味道。不過酒色看來一D都唔覺得係咁都既酒，看來還可以有多一個五年。幸運既係呢個區域唔係大路，...

 今年生日，最開心既係，收到老婆送既Red Tie酒杯做禮物。 雖然第二日要返工，但係都開左支Chateau Lagrange 2007。唔係一D貴價名牌酒，不過一直都係我鐘意既酒莊之一。日本人做事一向都有Heart，呢個酒莊一直都在進步。飲過三個年份，我會覺得新年份比較更融合一體。酒開了就有果甜香，仲有一陣coffee bean既幽香。酸度突出，酒體厚實，以物值黎講就真係唔錯。我記得落左decanter一個鐘再飲，飲左三個鐘。配呢個松露朱古力Cheese Cake，都幾夾。唔，呢支酒亦列入左我每年必試之一。 至於perrier jouet belle epoque 2004，同我估計一樣，當佢係大約八百蚊左右既Champagne黎飲就差唔多。一開D氣泡好衝動，我覺得有陣Pinot Noir既甜香。50% Chardonnay,45% Pinot Noir,5% Meunier。小許Floral, Nutty  and Honey, Mainly Green Apple and Peach, 質素穩定，酸度不太高，氣泡有D刺激但停留時間挺長，用白酒杯飲香氣更覺平均，在口中果仁與Pinot Noir的味道不斷出現。Good Product and Art！ Clos du Papes Chateauneuf du Papes 2008，為左令師傅可能再試到年青時的回味，雖然最終佢都飲唔成。印象中記得呢支酒質素好一般，酒體較薄而複雜感不足，After Taste算唔錯：但只有單一紅果同胡椒的味道。 Banfi Brunello di Montalcino 2008,我覺得佢係似V.R Burgundy風格。進攻型 既香氣，有些妖艷既花果香。高酸高單寧但順滑。我覺得應該到2018會好飲D，但係因為佢平，所以先試下。飲左五個鐘一D都冇down hill。人家話佢係商業化既Brunello，我都相信。 Biondi Santi既Rosso di Montalcino 2009俾到我驚喜。 雖然只係10 - 20 yrs vine，但係係香氣上完全有一支正牌Brunello既原素，可能會被騙。不過口感上始終都係差D，只有果味，比較單調。俾我試到呢個莊既功駕，令我更期待佢既正牌。 Barbar...