。品酒。港生活。看世界。

 世界太大，酒種太多。當Blind tasting既時候，面對既係自己，唔單純係知識，仲有內心感受；而當面對人，才可以更認清自己。 Cava係有氣酒既世界裡面就只係便宜貨，而且係香港就更加唔係好多人認識。用既係Champagne既方法，二次發酵、人手轉樽，Minimum九個月窖藏，可以唔同提子，但係就1/3價錢。常有一陣微苦澀，但比起香檳多果味而小Butter同Nuts的味道。至於氣泡，持久度高而大粒。通常過二百蚊已經叫貴，但係又比同價意大利Processco多了一點深度。 採用當地原生葡萄品種Macabeo、Xarel.lo、Parellada所釀成的 ，亦可用Chardonny、Pinot Noir 。 至於大約95% Cava 就係出自東北部Catalonia既Penedes地區。 又一次係平民酒廠Cono Sur，今次係Single Vinyard，亦算係貴價Series，大約二百蚊，但係亦係我飲過最唔似Chile Cabernet Sauvignon其中之一。Elegant、Fruit、Medium Bodied，酒精感唔高，無唔熟既提子常有既Green Bell Pepper味。Maipo D.O呢個智利中央地方就係種Cabernet Sauvignon出名的。 Imperial Rioja Gran Reserva 2004，Rioja其中中一個有久遠歷史既酒莊，Wine Spectator年度選頭一百支，而眾多酒評家亦有高評語，係高性價比既表表者，上市前最少陳年五年。香氣表現搶眼而且有深度，感覺係果香同桶氣混為一體，而唔係好似法 國酒咁分明。至於入口就差了一點耐久同層次，酸度中挺而中度酒體。紅果味突出令我留下印象，但就算過左咁多年，依然極度年輕，我認為只係剛步入適飲期不久，多放5-8年都唔成問題。低於$400既價錢，超值！相信要入多支黎放下先得。 第一次飲Taurasi DOCG呢個產區，只係意識到它來自意大利中部，卻誤會了它來自Brunello。Aglianico grape，結實既單寧，中等酸度，紅梅果香加輕柔花香，薄薄桶味似係Slovenia大桶長期熟成既結果，及陳年味道。不過酒色看來一D都唔覺得係咁都既酒，看來還可以有多一個五年。幸運既係呢個區域唔係大路，...

 今年生日，最開心既係，收到老婆送既Red Tie酒杯做禮物。 雖然第二日要返工，但係都開左支Chateau Lagrange 2007。唔係一D貴價名牌酒，不過一直都係我鐘意既酒莊之一。日本人做事一向都有Heart，呢個酒莊一直都在進步。飲過三個年份，我會覺得新年份比較更融合一體。酒開了就有果甜香，仲有一陣coffee bean既幽香。酸度突出，酒體厚實，以物值黎講就真係唔錯。我記得落左decanter一個鐘再飲，飲左三個鐘。配呢個松露朱古力Cheese Cake，都幾夾。唔，呢支酒亦列入左我每年必試之一。 至於perrier jouet belle epoque 2004，同我估計一樣，當佢係大約八百蚊左右既Champagne黎飲就差唔多。一開D氣泡好衝動，我覺得有陣Pinot Noir既甜香。50% Chardonnay,45% Pinot Noir,5% Meunier。小許Floral, Nutty  and Honey, Mainly Green Apple and Peach, 質素穩定，酸度不太高，氣泡有D刺激但停留時間挺長，用白酒杯飲香氣更覺平均，在口中果仁與Pinot Noir的味道不斷出現。Good Product and Art！ Clos du Papes Chateauneuf du Papes 2008，為左令師傅可能再試到年青時的回味，雖然最終佢都飲唔成。印象中記得呢支酒質素好一般，酒體較薄而複雜感不足，After Taste算唔錯：但只有單一紅果同胡椒的味道。 Banfi Brunello di Montalcino 2008,我覺得佢係似V.R Burgundy風格。進攻型 既香氣，有些妖艷既花果香。高酸高單寧但順滑。我覺得應該到2018會好飲D，但係因為佢平，所以先試下。飲左五個鐘一D都冇down hill。人家話佢係商業化既Brunello，我都相信。 Biondi Santi既Rosso di Montalcino 2009俾到我驚喜。 雖然只係10 - 20 yrs vine，但係係香氣上完全有一支正牌Brunello既原素，可能會被騙。不過口感上始終都係差D，只有果味，比較單調。俾我試到呢個莊既功駕，令我更期待佢既正牌。 Barbar...

當10點幾收工想飲支酒，但係酒櫃裡面D酒又唔飲得，可以點做？最近多做的是，一支平酒，一個老酒Decanter，一個人飲曬佢。 Chateau German 2010，惠康買宜家特價$69，我覺得有驚喜，對我黎講合格。記得係Decanter三個鐘仲Ok。70% Merlot,30% Cabernet Sauvignon,10% Cabernet Franc，出自Bordeaux右岸周邊地區。 Chateau Hyot 2010，都係惠康買，$79，W.S 90 point.Decanter三個鐘仲Ok。60% Merlot,20%  Cabernet Sauvignon,10% Cabernet Franc，出自Bordeaux右岸周邊地區。 飲過都會知道，呢個地區不嬲都有寶藏，不過無人識所以咁平。呢類酒比較偏向Daily Wine、佐餐多。在香氣上下功夫、小桶味，較Round、Fruity但Finish較短。並唔係話咁係唔好，只不過各有所好。 Hyot會比較多小小複雜感，但每個Part平均但分不高，個性唔算明顯但Length較長。係7仔見到有06，唔知死左未呢？或者聽日買黎試下先。German香氣較突出，口感圓潤，好多Berries，After taste較短。但以呢個價錢飲到，都算唔錯。有心人可以試下。 Mouton Cadet Reserve Medoc 2011，$180唔係惠康買，三支中最貴，但唔見得質素相差太遠。感覺得到佢係有誠意的，向著不普通出發。唔知係咪地區太大既關系，就好似一支Bourgogne做得再好，都只係Bourgogne，不能再高。可能係名廠下既作品，我既要求不其然高左。年青而酒精感強，足足1.5 hr先散去。最初緊閉，後來就是典型波爾多一樣，Blackcurrant,green pepper,mint,hints of vanilla, Medium + bodied，after taste唔算差。其實係結構、複雜度、酸度都唔差，四平八穩但性價比不高。我諗下年飲更好。P.S: 好在無買白色Label的。。。 Barbaresco 2005，我諗應該係新派的，E家飲緊。落Decanter時花果香衝出來，跟住又再收埋自己。分開一杯，等左半個...

人家說：一次葬禮，一個覺悟。我相信是真的。 由於新工作的關系，最近少左自己開酒飲。Daily drink 轉左做Bacardi Coke Zero 同Bombay Gin & Tonic，很大程度上就是為了睡好。 Ferrer Bobet 呢個西班牙新派酒莊，2006同2008個分別不太大，結構公整。06原瓶decant 12個鐘，飲剩半支留第二日飲，未死；08係Decanter 3個鐘開始飲，2個鐘後我都係覺得未盡開。酒體濃厚，深紫轉Ruby的顏色。有著我覺得好多西班牙酒都有既"臭膠"既味道、熟果的Black Fruit結合恰當的木筒味，並唔覺得係好大舊既酒。只不過08 V.V有著更深層次既香氣，多點Mineral，兩支都還年青的酒。深刻的是，收結比較長，同埋唔會宿醉，可以End call。 我鐘意飲Brunello，都係由呢支開始。試飲過06同07，發覺前者已步入適飲期，後者還需1、2年時間存放。Brunello既酒性飄忽同難服侍都經常被人同Burgundy比較。呢支07係Decanter四個鐘先開，而06就係老酒decanter2.5個鐘就可以。單寧柔滑但有力，酸度骨幹好，入口就係果味主導。深刻的是香氣，未開時就只有Oak，開了就是花+Blueberries+Vanilla spices既一體結合。我在想，每年我都要再飲佢一次啊~~ 至於呢支Italian Riesling I.G.T，客人飲剩的。入口第一印象："三不像"。不像French Riesling、不像澳洲 Riesling也不像美國的。從香氣到酸度架構，我之前從未嚐過的。不過可能拎到返家，酒已差唔多完，所有原素都變得弱了。結論是：又上了一課，葡萄酒的可能性。 最後既係Chardonnay from U.S. 故事係一班德國客點了，我開瓶既時候聞一聞，告訴他們，This is not the typical Chardonnay, it is like from Burgundy. 佢地飲左一陣，就話俾我知唔鐘意。我明白，佢地希望飲到既係新世界既味道，所以最後澳洲的就滿足左佢地，而我就拎左半支走。飲既時候我就一路諗，係Puligny Montracnt定係Mersault呢？風格似後者，但比...

最近每次飲酒，心情總係有點不安，同時亦心存感激。電視劇都有講，“人生能有幾多個十年？”飲到合時合飲的，同適合的人一齊淺嘗，比起你同我講支酒有幾天價、罕有、價高，更加開心。呢個月以黎，對我黎講真係發生幾多事，曾經有段時間甚至失去左生存的熱情。不過傷心、失意的都慢慢淡化了，現在更希望得到平靜。珍惜現在，活於當下。 咁多支酒裡面，我最欣賞日本白酒‘甲州’，難得的是一份安靜、簡約，但不失典雅。就像在春天裡的下午，在郊野中，大自然的聲音，吹著風，河水。如果要花支招展先至係好的話，你都係唔好浪費金錢啦。 至於最令我驚喜既係呢支"Amarone"，第一日，就算在醒酒瓶中多長時間，唔開就係唔開，只有草青、Herbs，苦與澀；但係剩下半瓶，原瓶放係酒櫃過一晚，嘩！開晒！酒精散去，D甜果味，真係太好了。所以話，呢D真係緣份。 至於同尊敬的人一齊食小菜，飲住呢支西班牙酒，真係無得輸。以前從來都無想像過有呢一刻發生。我諗已經唔係價值既問題，而係有錢都唔會買得到既快樂。酒係我鐘意既，人係敬重既，能夠聚首一堂，夫復何求。不過就係因為食呢餐飯，打爛左老婆送俾我隻酒杯… At Last,The wine of the month for me is: Opus One 1996

法國酒最令我覺得唔討好既地方係定價有D偏高，所以一D令我飲完覺得值得、想再飲多次既真係少之有少。呢支係其中一支。 Bruno Clair Marsannay "Les Longeroies" 2009，平均樹齡50-80 yrs。支酒整體俾我既感覺係，腦海中閃過書本上印著Burgundy的秋天、冬天畫面。原瓶抖氣1 1/2 hr落杯，Medium Ruby，香氣像乾木、枯木，檀香木、Sweet Spices、肉桂，不過香氣屬於頗收歛。入口是Medium Body and Acidity，Flavour intensity and Finish is Medium+，Tomato,Red Cherry and Berries,Floral..... 開瓶後第三小時最開放，可以說最像Burgundy的一刻，但不到半小時內狀態直線下降至開始散。評價係Good，如果再考慮到Price，只不過係$300正，又係冇得投訴。特色係口感做得算幾融合、恰當的複雜，如果飲慣Cote de Nuits有名村作品，試下Marsannay的可能性，足夠令你驚喜。 無錯！我係強調葡萄酒的可能性！同是Pinot Noir，Same Region，百萬個可能性。我不太懂招紙、品牌，知識及酒齡還尚淺，但係從感性與尊重出發，探索不同組合與可能性，可說我學習的路標。

你可以話我鐘意飲平價酒，可以話我唔識品酒，我都承認。不過試新野、係性價比高既酒後面搵到驚喜、探索可能性，都可以話係我一直品酒的動力。 近年開始暢銷的新世界中，智利可以話係多左人識左。價錢低、易入口、種類多、市面上容易買到，都可以話係彈起的因素。其實，已經有部份舊世界酒莊睇中左新世界地方既Terrior，去左當地建莊做實驗，出名既有Lafite去左Chile set up Los Vascos、Mouton co operate in USA setting up Opus One。 Los Vascos Cabernet Sauvignon 2011，我既感覺係幾架構幾實淨，平衡度不錯。開瓶時個Cork係膠令我有點不悅。聞到樽口既味道後，第一時間放番入酒櫃，感覺上佢要先Breathe。果然原瓶兩個鐘後，溫和了不少。落左杯之後發覺，平價智利酒都係有個特色，Oak Chips。同價比較Spain and Italy，明顯唔同既係，後兩者會將酒整到好Fruit，甚至有後加糖的疑團。講番支酒，深紫色；嗅出Leather，BlackFruit，青椒，麵包味，感覺上並不屬於"果汁"之類，彈度中等。入口感覺有點像辣椒，胡椒，輕輕的果味、葉子味；高酸，粗糙的單寧，像舔樹枝一樣的感覺；酒精感算中等，收結屬中低等。 Colchagua Valley位于Chile中部，有別於其他產區不算近海，相對比較溫暖，很適合Cabernet Sauvignon生長。呢支酒做Daily wine都唔錯，suitable with any meat with seasoning，價錢係Below $100，係Supermarket買到。  至於Cono Sur就做Table wine 做到出晒名，呢支只係$60，都俾到我兩段變化。不過就屬於厚重型，很濃。印象是重Bell Pepper味，Oak Chips，濃縮果汁的甜味。Carmenere呢種提子只係智利先有，今次既第一感覺唔錯，下次會嘗試更高級一D。不過更有興趣想試同一系列既Shiraz同Pinot Noir。

因為腸胃炎，五內翻騰左幾日，被迫要戒酒。=_=" 今日同老婆返Outback食飯點左杯白酒佐餐，點知真係不知所謂，我只係飲左兩啖已經不能忍受！我估支白酒開左冇日四都三日囉！ 返家諗住試下用支甜酒配我碗椰汁西米露。 一開一嗅，嘩！陣酒精感就話左俾你知，佢一D都唔輕鬆，18% alc。但係稍稍一陣之後，飄出黎既香氣卻係令人放鬆：拖肥糖，Mocha，小小的金銀花，像甜的朱古力味雪芳蛋糕。 外觀係Pale Garnet，睇住D掛杯酒液就預知有好多余糖，會好甜。Full Body，High Sweet，Medium+ acidity，入口有陣老酒味，有點中等像煤炭火石，酸酸的提子、梅乾的味道。收結中長。 澳洲甜酒產區多來自東南面中部內陸，如Rutherglen、Murray Darling，果度天氣較熱，日照多時間長，葡萄成熟度高，善產高糖份提子。同大多澳洲酒一樣，屬爆炸型。如果要細致度高，法國蘇玳區會較合適。 講返配椰汁西米露，也許酒也會比較甜；但如果配涼粉會更好，唔駛落糖水都可能得。$180左右，我覺得交到貨。不過就真係幾甜，一個人都有排飲囉。

睇到六十蚊一支，你會覺得係D咩？劣質酒？我諗今次又可能係例外。如果你鐘意飲Moscato d' Asti，呢支酒就好大機會令你鐘意，Sensi Dolcevila Vino Spumante Dolce NV from Italy。 就好似佢個Label一樣，強調花香與像蜜餞的甜香。Citrus Fruit像香水晶梨、甜橙或柑，像中等檸檬的顏色，失望是短暫停留的氣泡；Medium+ aroma intensity，Sweet，Medium Body，中酸，低酒精只有9.5%；收結中低長度，結論係良好品質。 第一，只售Under $60唔可以要求太多，但我飲過同類型既酒當中，佢絕對唔止值呢個價，起碼Between$130 - $150。第二，作為佐餐酒，食頭盤餐前酒同輕巧甜品，絕對係平靚正之選，唔會失禮；第三，女性比較容易喜歡，會飲多兩杯~~ 自己同老婆都幾鐘意，所以有機會會入番一箱半箱，鎮鎮家宅。

Domaine Pinson Chablis Grand Cru Les Clos 2008 This is the 2nd time to try Les Clos,last time is 2003 vintage.I think this is the Modern style,as it does not heavy in lighter in oak influence and body.Shaping in acidity and mineral as reflect the terroir of Chablis,little bit feel of "Sharpening Stone". Still Citrus fruit instead of Stone fruit,Medium+ aroma intensity and body,pale lemon in colour,high in acidity and medium in finish.In my opinion,it value around $400-$500 is reasonable and is good in quality. Domaine B.Serveau Chambolle Musigny 1er Cru Les Amoureuses 2009  被選為"the wine of the night"."愛侶田"，聞名不如見面，久仰大名。呢條村就係會俾你感覺到平靜溫柔，香氣迷人。有位酒友形容好似個裸體女性頸上的香水味，唔，好似太過妖艷。Medium Ruby.撲鼻的是混合了的花香，果香及木桶香：薰衣草，紫羅蘭，百合；車厘子，紅加侖；恰到好處的桶香，雲呢拿。入口的果香令人錯覺有點甜，中等重量及酸度，單寧是軟滑中等，唯一輸蝕低就係入口既質量差左小小。驚喜的是已經合飲，因為呢塊田的陳年潛力一向不俗，小說都10 years+。整體黎講平衡度幾好，我都很喜歡。 相比Chambolle,當晚我更喜歡呢支Vosne Romanee 1er cru Les Suchots V.V 2008，更華麗搶眼。比較豐厚飽，進攻型的香氣，散發著甜美較成熟的果香。果味濃縮，桶味突出，較輕花香。個...

講起意大利酒，其實係幾特別。一般人認為，平價等於質量低，太多品牌、太多唔識既文字，口味太獨特，太容易中地雷。 不過，其實只要嘗試去認識，其實實在存有太多價廉物美的寶藏。意大利人最初做酒既原意，其實就只是像喝水一樣基本，"生命之水"，因為以前想飲用潔淨衛生的水實在有困難。其次，就是溶入生活，簡單配合日常食物。所謂珍藏酒，只不過係後期，工業化，機械化，二十世紀中先真正開始。 就好似今次我試呢三支Sparking，全部都唔超過$100，但係用來佐餐，一D都唔會有唔夾，而且easy going。不鏽鋼桶發酵，機械收割，多數試到的是細小的花香，Citrus Fruit，好處係一開就飲得，唔駛等，多功能；唔會好似Champagne咁要Age，統一框架下，Bread, Toast, Yeast為主，價錢相對冇咁Nice。三支中我最鐘意Rose，開始已被顏色吸引。香甜士多啤梨、Cranberry，小小Glassy，中酸，豪邁的氣泡，中低酒精，三五知己聚餐，無得輸。 在林裕森的書中，我得到了反思： 係呢個品牌化的商業社會中，大家都追求名氣，但在招紙後面，又有幾多人欣賞無名的"弱"滋味呢？ 其實係現今科學中，要做出完美的葡萄酒不是沒可能： 加糖、加酸、加味、加化學物質、加單寧，要乜都有可能；反而沒味就會被評為唔好飲，質素低；其實，有時候，靜靜的，享受著淡淡風味，寂寂無名的葡萄酒，在葡萄酒的世界下遊歷，真係別有一番風味的。

老實講，呢支老野真係幾蝦人飲。可幸的是，呢個老人家都幾健康。大家都同意佢係過左高峰，適飲時間。 剛開瓶時，我差D就認定佢係死左。果陣氧化味，醋味真係大到得人驚。不過原瓶放左一個鐘之後，就散左。 我最初諗住Iso杯應該冇死，但原來Universal佢都Carry得幾好。Aroma係火柴，煤屎，燒枯葉柴枝，松露， 應有的Earthy同老酒味都能在裡面找到。令我驚訝的是，竟然仲有一絲的枯左的Dry Rose and Black berry。 顏色是Medium Garnet，入口是Medium Body,酸度還有，是Medium；酒精感已退減，感覺是Medium-。酸度骨幹挺不錯，Medium-；在口中的味道個人並不太喜歡，就像咀嚼著松露，枯葉乾柴的感覺；最重要係finish都仲有Medium.(=_=") 其實，當我手中拿著這杯酒的時候，我覺得這酒的感覺很凝重，宏大，平穩，很大的壓迫感把我壓住，甚至有一刻在想我不太敢喝下去。 四個字給我形容，他，"孤芳自賞"。毋須要你理解，欣賞，媚眉，只一直在存在就足夠。 能飲你落肚，我很榮幸，亦很開心能跟你相遇。你，打開了我那扇門。

Breath in the bottle for 6 hrs,I feel she is young and beauty,can be last for 3 more years.I feel this year is hot enough,weather should not be bad and fruit is ripe quit full. Fruity sweet through my nose to heart,medium+ and impress.Medium Purple colour,acidity and Body;Medium+ smooth tannin and Alcohol;Red Fruit,Currant,berry and Plum,and behind is little bit floral,sweet spices of slightly vanilla and cinnamon,with buttery character.Finish is disappointed medium-.What i think that it is over value. 我覺得佢無傳統的筋肉感，亦不像V.V的礦物感，感覺比較大眾化，商業化，不太突出。可幸的是甜到漏的果香卻令我比較滿足，入口鬆散短暫，唔夠Intense卻係一個敗筆。如果個價可以低D，性價比高D，作為佐餐酒亦是不錯的選擇。

 Romanee saint Vivant Grand Cru 呢支酒係我最有期待既一支，不過可能亦都成為失望既原因，唔係名莊可能係主因。顏色較深，好濃縮，感覺上還是年青。印象是女性，溫柔飄逸的，有透明感。複雜度係高。 主軸係花的，薰衣草；熟果實，甜士多啤梨，Red Plum；溫和的桶香，Sweet Spice；單寧係Smooth Medium +；酒體屬中高；但失望的是每個項目的質量都達不到好高質量，reach唔到個point，Finish唔夠長。不過呢支始終都係Fine Wine，質素其實都算係交足功課。"天"氣當年不太好，土"地"無疑係高質素，但"人"力亦有不遞。  Les Hauts de Smith 2010 It is not user friendly, maybe it was too old. Aroma is pronounce,but full of gun flint,mineral.There is only a little grassy,guava,citrus fruit behind.The sommelier here was described it is a New World Sauvignon Blanc, Medium lemon colour and body,Medium+ acidity,nearly developed aroma,Pronounce intensity on palate, Finish is Medium+.I thought there is no 3 yrs more for age. It is acceptable for me. Domaine Jacques pierres chevalier montrachet 2009 No doubt that the use of oak is amazing.Creamy,Buttery,Coconut,Sweet spice,Citrus dominate with Lemon fruit structure backbone.Fruit is fully ripen.At least 10 - 15 yrs for furthe...

誠然，"夢玫瑰莊園"真的比較老，二級莊，過左高峰，但依然健在Saint Estephe，泥土下富含鐵質，mixed with Sand,Clay and Limestone. Amber,濃厚的磚紅色。香氣是很傳統的"老波"，重口味，因人喜好而異，而且更石墨，更鉛筆刨，像小時候把鉛筆含在感覺。驚喜既係隱藏緊閉既黑果，加侖子，肉桂同雲呢拿強度中等。Fully developed.1983年，有評論話，大部份要頭20年內飲係最好，只有少數係可以過30年。 It is not a very good vintage,June, wet and cool spring; July, one of hottest record in July;August, hot and rainy combination;September and October keep warm and dry, There are some record of rot infection.Winemaker force to spray to prevent mildew,highly selective of grapes and keeping in low yield. Medium Body,Medium - Acid,Alcohol.單寧係中等柔滑的存在， 入口的是100% dark chocolate，Mineral,醇香，柔順，溫和，一齊溶合得好好， 有個性。老酒有度好就係當激情已經過去，一齊偕細水長流，一點一滴隨時間退去色彩， 但可以預見佢年青時架構既宏大，並不失禮。I think it is good. 新年份經常跟First Growth compare，話已經過左Calon Segur同Cos d Estournel喎。 我都好想試呀!!!

就算再眼訓，都要記低呢支先。 唔知點解，飲佢果陣突然想起今日既新聞："一名六十四歲老婦，由古巴出發，係冇防鯊網的保護下，游水到美國 ，歷時四日。 " ----  雖然年華老去，但亦能挑戰自己，登上高峰。 香檳從前被稱為「魔鬼之酒 」 ，"The Devil's Wine".  她，在 今夜令我著 了 魔 。 翻查資料，當年春天結霜，多雨。 夏天又好熱，結合一齊就又有酸度亦唔會唔熟。 Vintage 1990,酒體仍很健康，中酸。 顏色是Deep Lemon，氣泡算是緊密細致 。 "嘩！"甜到入心的 蜂膠，糖漿， 白色花朵，槐花，Nuts and Fully ripen apple. Medium + aroma intensity，Still Developing. 入口出其地像Fino Sherry， 氣泡衝擊度不高， 始終年事已高，但亦 因此多了一份細膩的感覺 。。。 Medium Alcohol,Medium Body,Medium Finish,Off-Dry. 最後，同場開左兩支名檳，一支年青力壯，一支正直壯年， 把比她下去是意料中事。不過，我仍然最喜歡呢支 。